Minna er meira

Fyrir mörgum árum, á meðan Sovétríkin voru enn við lýði, birtist í Morgunblaðinu frásögn af því að brauðverð, sem var náttúrlega ákveðið af embættismönnum eins og annað í óskalandinu, hefði verið hækkað all svakalega. Embættismaður hjá Moskvuborg var spurður hverju þetta sætti og svaraði að bragði: Brauðverð var hækkað vegna eindreginna óska almennings.

Þessi saga rifjaðist upp fyrir mér þegar ég rakst á frétt í Fréttablaðinu þar sem skýrt var frá því að hætt hefði verið að dreifa blaðinu á hvert heimili á Selfossi, í Hveragerði, Reykjanesbæ, Akranesi og Borgarnesi, en þessi í stað verði komið fyrir "dreifikössum" á þeim stöðum. Aðspurður um ástæðu svaraði Ari Edwald, forstjóri 365-miðla svo: "Með þessu erum við að færa blaðið nær lesendunum."

Athugasemdir

[Andrés Jónsson, 2.9.2008 kl. 18:08]

Frekar fyndið

[Heimir Lárusson Fjeldsted, 2.9.2008 kl. 18:44]

Spaugsamir menn á 365.

[Jón Agnar Ólason, 2.9.2008 kl. 20:00]

Að ekki sé minnst á viðskiptamódel Nyhedsavisen; það gekk jafn fullkomlega upp og módelið að upprunalegumDagsbrún Group. Það var umbreytingafélag sem varð ekki að neinu, sælla minninga. Nyhedsavisen virðist þannig hafa verið ... umbreytingablað.

[Gullvagninn (IP-tala skráð) 3.9.2008 kl. 08:26]

Allar tilkynningar og auglýsingar í kring um okkur eru orðin gegnsýrð af þessari "spin" tækni, að beygja sannleikann af leið, þannig að það líti betur út fyrir málstað, stjórnmálamenn, fyrirtæki.

Þetta er kanski fyndið, en afar þreytandi.  Samt virðist þetta virka á fólkið, sem er orðið svo dáleitt af sjónvarpsglápi, að það er sama hverju er logið að því, allt gengur.