Miskunnsami Morðinginn

Fyrir stuttu var ég á tónleikum í Nasa og gekk þar inn eftir pallinum hægra megin í húsinu á leið að hljómsveitaaðstöðunni. Ég var með símann á lofti, að skrifa tölvupóst, og gáði því ekki að mér, steig niður í efstu tröppu en hitti ekki betur en svo að ég flaug á hausinn og sneri mig illa í leiðinni.

Þar sem ég sat á gólfinu í rökkrinu bölvandi og reyndi að ljúka við tölvupóstinn kom Morðingi og stumraði yfir mér, aðrir létu sér fátt um finnast. Takk fyrir Haukur Viðar.

(Björg Sveinsdóttir tók myndina.)

Athugasemdir

[Örn Úlfar Sævarsson (IP-tala skráð) 29.7.2008 kl. 14:04]

Það er eitthvað biblíulegt við þetta. Miskunnsami Morðinginn. Væntanlega gengu öll krúttin og náttúruverndarsinnarnir framhjá hinum fallna gagnrýnanda,,,

[Stefán Bogi Sveinsson, 29.7.2008 kl. 16:59]

Já auðvitað eru það pönkararnir sem reynast best þegar á reynir. Annars er það ekki bara titillinn sem er biblíulegur. Haukur minnir nú á einhvern eyðimerkurspámann á myndinni...

[Haukur Viðar, 29.7.2008 kl. 23:29]

Það var lítið Árni.

Ég vissi svo sem ekki hvað ég gæti gert, en þetta var nokkuð tignarleg bylta hjá þér. Vona að þér hafi ekki orðið varanlega meint af. Sjálfur var ég svo næstum því dottinn á smettið í dag en flaug í fangið á Smára Tarfi sem bjargaði andliti mínu frá afskræmingu

[Anna Ólafsdóttir (anno) (IP-tala skráð) 30.7.2008 kl. 22:30]

Ég féll fyrir þessari fyrirsögn - snilld!  Vonandi er búið að vinda ofan af snúningnum á fætinum. Lenti sjálf í svipuðu þegar ég var með fjölskyldunni í útlöndum, sá ekki tröppu fyrir framan mig á einhverri útistétt og datt frekar klaufalega fyrir vikið. Uppskar "passaðu þig, það er trappa framundan" komment frá fjölskyldumeðlimum mörgum sinnum á dag það sem eftir var ferðar og í framhaldinu ískrandi hlátur